Яьяризо аллащверди байрами

ЯЬЯРИЗО АЛЛАЩВЕРДИ БАЙРАМИ



ТЯРЪЦМЕЙИ-ЩОЛ


1946-ъи сор августя манги 8. Бы тарыхядя мояку бям. Масали Мядо диядя. Пыям Яьяризо косиб бя. Ьази Мяммядяли сяьыря киняш витвония. 30 сор бя ивря жиян; 4 зоя, 3 киняшон пероснийя. Аз семинъи авлодим. Ляля 1965-ъи сорядя бя рящмят шя. Иням 1998-ъи сорядя вяфотыш кардя.


1965-ъи сорядя Мядо мийоня мяктябым, 1970-ъи сорядя Озорбойъони Девлят университети филологийя факултям бя ся жя. 1970-1979-ъи соронядя Осторо Арчон ийян Шиякон, Масали Ьызляво, Мядо Руякяно дийонядя мияллимым ко кардя. Есят Мядо мийоня мяктябядя мияллим ко кардедям.


1959-ъи сорику мятбуатядя чыхыш кардям. Тырки ийян толыши зывононядя шеерон ийян елми-публисист мяьолоным чап бя.


1995-ъи сорядя Кярбялоядя, 1996-ъи сорядя Мяшщядядя зийорятядя бям. Ьырон щандедям, нымож вотедям; ваизяти чымы щоббийе.


1972-ъи сорядя ыштя дивожя киням ся. 4 киня, 1 зоямон щесте. Щямром Земфиря филологийя мияллиме. Йоля киням Илкиня биологийя, рукя киням Мцлкиййя црцси зывони мияллимин. Сцлщиййя Петербургядя, Ламиййя Ъилядя бя шцйе. Зоям 14 синядяй.


Фарси, яряби ийян уруси зывононку хябядом, тырки зывони зынедям, толышя зывон чымы няня зывоне.


Ве йоля орзум яве ки, Озорбойъон озод, мыстяьил, демокрятик, зумандя девлят быбу, Толышстон мухтариййят быстяно, Толышя хяльи щях бярпо быбу, толышя университет тясис быбу, иншалла!


ТОЛЫШЯ ЯДЯБИ ЗЫВОНИ МУЗАКИРЯ КАРДЯМОН...


ЧЯМЯ ЗЫВОН ЧЯМЯ ЬЫЙЯТЕ


Чы ьяшянге, чы шине толышя зывон,


Жыбызын тожя шоне толышя зывон.


Тофиг Илщом

Шаири вотяйня, ын «тожя шони» ьяди зыне, яй ныьо дой чямя щяммяй сыфтянийя вязифяй. Яве ки, толышя зывони орфографийя, орфоепийя, гряматикя ьайдя-ьанунон бяпе бысывни, бявон дырыст ямял кардя быбу. Бы щяхядя ыштя мушащидон бяшмя нывыштем пидя.

Чаня ки, чямя толышя зывони орфографийя, орфоепийя тясбит бяни, бяпе ямя Озорбойъони тыркон нывыштя ьайдон дасядя ясос быгятямон. Мясялян, тыркийядя «мцяллим», «мцщарибя», «мцлащизя», «дцз», «шцкцр», «мяна», «вертолйот», «имтащан», «щцъум», «сцбут» и.ъ. сыханон ямя – толышон, - щай и ъуря тяляффуз кардямон («мцллим», «мяллим», «мояллим», «мяяллым» и.ъ.). Ын сыханон бя зывон чы ъур дяхыл бябун, жяьоян бынывыштямон, янъях щандеядя ыштя шивядя тяляффуз быкямон. Тыркийядя бя сыханон толышийядя бя мухтялиф шикил дяьанде, чымы зыняй, бесяводяти бяварде. Чямя щырдянон «Яли ашийян бяка, Вяли ашийян». Чокиш яве ки, яряби, фарси, уруси, Авропя зывононядя омя сыханон ща ды зывонядя (тырки ийян толыши) и ъур бынывыштямон. Ым бя ващидя орфографийя горош, бо яьылон сяводя тялими чок бе хото йоля комяг бябе.

Толышя зывон де синонимикя ве зянгине (Синоним – игля мяна де 5-6, ками – 2-3 сыхани ифадя кардейе). Яве ки, ыштя фики ифодя кардеядя жыго сыханон бяпе ард быкяй ки, фик ошко, сялис, дырыст быбу. Бо фик вотейо бяпе зящмят быкяши, бо сыхани быняви, щярякят быкяй ки, няня зывони щяммя имкононядя истифодя кардя быбу. Тырки-толыши-уруси бя ийянды умжян карде, мыни быбахшян, ъылыъуя карде, чокя ко ни.

Ща игля мятбуат органи ыштя даст-хятт, ыштя услуб, щятта, бяштя мяхсус лексиконыш бедя. Ланкони, Осторо, Масали ряйони гязетон толышя сяйфон ща гыля региони толышя шивя якс кардедян. Ым тябии щоле. Яве чямя толышя гязетон йаянки сяйфон щозо быконку хащиш кардям ки, бы кой рявоъ быдян. Бяштя мяхсус орфографийя ийян орфоепийя ьайдон чяш быкян, бяштя дасти-хятти садиг бымандон.

Мялуме ки, орфографийядя янъях фонетикя амили ясос гяте (йяни ки, чы ъуря тяляффуз карде, жягоян нывыште) щяръмяръийяти бявай. Гаспу и кяс пялтяке, зывоныш тилике, йаянки мынгине, ьавяр сядош кобуде, гонебу, чок мястяныбу, чокян вотдяныбу. Зывони дячяй вотяй бя «зибил дой» лозим ни.

Орфографийядя щямян бя тарыхи-яняняви, морфоложи-синтактик амилон садиг бе воъибе. Сыхани ряь-ришя огяте, кон зывонядя чы ъуря нывыште и.ъ. вязйятон бя нязя сянинимон. Хащиш кардям, бы мятлябядя чямя олимон ыштя фики, ыштя мулащизон бынывыштон.

***************


ТЫНИШ, АЗИМ?


(Куйя мямлякяти шатя мерди ожя гяп)


Аз вотеядя: Ланконядя щырдянон

Рос бякарден мубарякя бойдяьи.

Ты пебедяш, зиккя жяйдяш щяросон:

Ын девляти выло кардян толышон.


Ты вотеядя: Шуша сяпе бы незон

Ебяжемон хося тыркя бойдяьи.

Вотдяним бя: Озорбойъон - чымы ъон!

Зырвонедян мямлякяти ын тыркон!


Ты вотеядя: Девлят, рящбяр, зор чямя,

Се рангиня бойдяь тяйля тырконе.

Вотдяним бя: Озорбойъон – шиня ъон,

Толыш, тати, лязги бойдяьон коме?!


Ты вотеядя: Чы бумядя бемямон,

Щежо тяйля «азярийон» шымянион?

Ямандяни: кырде, тате... омямон,

Щиндистони Синъя дяйку пемямон?!


Вотдяним бя: Ку ниш, чяшон дыс окя,

Бандя бынон, барзя вырон чямяне.

Тыниш, азим чы йурди сойб? - Чок диякя!

Ов окырйя ляжя вырон шымяне!


Ышты зывон бямя щямя шиня боя,

Чямя зывон бочи жыго тел быбу?

Милйон тыниш, милйон азим, милйон яв,

И вятяндя бочи дыгля мейл быбу?!


Тырки вотдян янывыштон-китобон,

Тырки шедя щямя гяпон-мяктябон.

Бочи мангон-сорон щандян бя тырки,

Руж дойдянин бя толыши, бя кырди?


Чы даст бя даст шедя Вятян чан соре,

Бя щязо ро ъо кардедян милляти.

Щяватедон ын йурди бя лузи щард, -

Тыниш, азим выло быкя девляти?!


Бя ся варде нызняй ты, я толыш ни бяняй ты.

Быдя бяй рящбяряти, баспард бяй ын девляти.

Бявдя бязнеш кий щиче, толышя ьыйят чиче.

Лялям, бойлим, быряс бой,

Толыш бяште бяся пой!
«Быжян-быжян» бявоте, дыья бяной, бявите.

Бявдя бязнеш кий щиче, толышя ьыйят чиче.

Ъямйят дилшод бябе,

Мямлякят озод бябе!


Жи-пейя дышменонку – чявонку, щям шымянку.

Бявдя бязнеш кий щиче, толышя ьыйят чиче!


***************


МУБАЩИСЯ


ВОТЫШЕ:

- Бя ду бекарде – мымкун ныбя фактон бявам, сыбут бякам ки, толышон тыркя нясылонядя гыляйин.

ВОТЫМЕ:

- Мясялян?

ВОТЫШЕ:

- «Тцрк кцлтцрцнцн эялишмя чаьлары», 1971.

ВОТЫМЕ:

- Щяни ком?

ВОТЫШЕ:

- Щежо ым вясе.

ВОТЫМЕ:

- Мылхяс, ьяйзи ыми сявон ни. Хыдо бязне, явян кон сярсяьи нывыштя. Я сярсяь чич вотдя?

ВОТЫШЕ:

- Росте, яв тарыхи сявон ни, бядии-публисист ясяре. Ячяй муяллифи иминъи кяря сыбутыш кардя ки, «ТЯЛИШ» тыркя хяльонядя гыляйе.

ВОТЫМЕ:

- Зя, «тялиш» чиче, ямящон толышимон, йаянки талышимон. Тцлиш, голыш, толыш, талыш мясямбе, тялишым мясяныбе.

ВОТЫШЕ:

- Толышон бяштя «талыш» не, «тялиш» вотедян.

ВОТЫМЕ:

- Дуявужи м... Тыны Хыдо, быбахш мыни. Я олим чич вотедя?

ВОТЫШЕ:

- Щямон олим нывыштя ки, товя бы ружи «тялиш» сыхани изощ быкя бяни.

ВОТЫМЕ:

- Зя, нодон, жыго сыхан («тялиш») щесте ки, ячяй изащян быбу? Манде ки, «толыш» сыхани шярщ карде, аня сявонон щестин ки, бо мяголя бынывышти ъинся шяй дуте бябе!

ВОТЫШЕ:

- «Тялиш йахуд Тйолиш йахуд Тардцш» тыркон гыляй тойфя номе.

ВОТЫМЕ:

- Ьялят мякя! Ын сыханон де толышя хяльи, дячяй зывони, щятта, де Толышя мящоли щич ялогяшон ни. Муяллиф бямя щозоя шяр ьандедя!

ВОТЫШЕ:

- Толышон де Ирони щамсийя бя выронядя жиян, есятян яйо жимон кардян.

ВОТЫМЕ:

- Демиян зыне бедя ки, мяголя бынывышт Ъянуби Озорбойъони Вятян щисоб кардяни. Яй Ирон зынедя. Толышон кон выронядя жийедян, бядбяхт яйян зынедяни. Охо, Толышстон Озорбойъони мийонядяй. Мазяндорон, Гилон, Ардявил, Осторо, Ланкон, Мыьон, Сялйон и.ъ. толыши мяскяне.

ВОТЫШЕ:

- Бя тыркя-толышя мядяниййяти фярь ной лозим ни. Толышя мядяниййят чиче? Бягям яв щямян тыркя мядяниййят ни?

ВОТЫМЕ:

- Зя, одями дынйозыня даиря бянейе, быни яв чаня танге, щямян каме ки, тыркяти – тыркя шовинизми явыш, щямян тыныш чы ъуря куш кардя ки, толышя зывон, толышя адят-яняня, ячяй ьядимя сянятон, дуте-бофте, вяйя-йася мярасимон, толышя абидон, зямини жи-пеядя быя сярвятон,... бяшмя чяш ни, ымони виндянион, виндейян пидяни.

ВОТЫШЕ:

- Толышон дынйо димядя камин. Де товя еся тырки щандябин, тырки нывыштябин. Есят тырки бянон, толыши обямутен? Толышя мяктяби ся кардякясон конъо али тящсил бястен? Бывотямон, али мяктябонядя боявон факултонян обяйн, толышя университетонян ож бин. Бя кий дярс бядоон? Демон щяммяй чич бя даст бявайон?

ВОТЫМЕ:

- Зя, одям чаня пяхыл бябе? Миллятон ыштя пушиян щифз кардян, ыштя чяшонся новнедян. Озорбойъонядя жимон кардя хяльон, етносон, аборигенон (кырд, лязги, инглой, сахур, авар, лат, муьол, айсор, гырыз, будуь, щапыт, ахахтарин, рутул, тат, толыш и.ъ.) ыштя миллия мядяния мухтариййяти бярпо карде щяхышон щесте. Бя чявон щай ном гыляй али мяктяб быбу, ужнян каме. Зя, тыркя шовинизми шымя чяшоныш ку кардя. Явонян бяня шымя гыляй хяльин. Гыношон яве ки, дынйо димядя камин? Хыдо бязне кий кам, кий ве бябе? Чан яср жимон бякамон, кон ясрядя овъ бякамон, кейня пебясийемон? Щар чимон, есят щар кяси щяхи бяй дой лозиме. Нывыштеян, щандеян, мыстяьил беян, жимон кардеян чя камядя мандя хяльон щяхе. Ягям ней, бявядя ым тяъавузе, геносиде. Мясялян, Хыналыг гыляй дие. Диядя бя зывонядя мяктяб щесте, шаирон щестин. Бы зывонядя китобоншон бешедя. Лап яла! Лап институт бянийе. И руж боямяно быбу, иншалла!

Бочи Озорбойъонядя урусон мяктяб, кился, мятбуат бе бязне, охо, явонян бямяся камядя мандя миллятин. Ямя толышон - чы йурди ьядимя хяльон – чы анядя щуьуьон мящрум бедямон? Шубщя ни ки, муяллифи ийян ячяй щяводарон тарс ъо шейядяй. Пяхыляти...


ВОТЫШЕ:

Щяни вясе, бя ся дяшим.

ВОТЫМЕ:

Шукур бя Хыдо!

Мядо, 1992


***************

ОЗОРБОЙЪОНИ ХЯЛЬОН МАЩНЕ


ДУЕТ:


Аз толышим, ты лазиш,


Аз будуь, ты гырызиш.


Тярякямям, гилякиш,


Ты лащыъиш, аз ляким.


ХОР:


Имон, йянды ъо нимон,


Йурдядя и ъонимон.


Отяшпяйдоконимон, -


Озорибойъонимон!


ДУЕТ:


Ты хыналиж, муьолиш,


Ахахтарин, рутолиш.


Аз щапытим, татарим,


Татим, лязгим, аварим.


ХОР:


Имон, йянды ъо нимон,


Йурдядя и ъонимон,


Отяшпяйдоконимон, -


Озорибойъонимон!


ДУЕТ:


Ты инглой, сахуриш,


Кырдиш, тыркиш, айсориш.


Ты айрым, аз удиним,


Ты демы, аз детыним.


ХОР:


Имон, йянды ъо нимон,


Йурдядя и ъонимон,


Отяшпяйдоконимон, -


Озорибойъонимон!


НЯЬЫЛОН ЧИКИН?


Есят чан вырядя толышя гязет йаян толышя сяйфя чап бедя. Кали гяпон бя гуш омейдян, бя сяйфя щозо кардякясон кали иродон гятедян. Чы гяпон-иродон ростя гылян, нодузя гылян щесте. Чокня вотедян: «Хяльи гяви гяте ябыни». Чявонядя гыляй ыме ки, гуйа толышя гязетонядя доя бя фолклоря нымунон вени бя тырки чап кардя бян. Йолон сыханон, аьылбыловонон, няьылон, зярфятон, лятифон, пеьандяйон, певознийон, мязянгуля сыханон, шиня сощбятон… бя тырки щестебу, явони бя толыши пегордыне, уъян бя толыши чап карде лозим ни. Щярянгони вожиб быбу, бяпе ячяй ъийо бынывышти ки, тыркику йаянки урусику пегордынийя бя. Мясялян, вотедян ки, гязети щямон тыркя сяйфядя быя йолон сыханон, афоризмон есятня бя толышя сяйфядян доя бедян. Йахуд «Пялянги де кыты няьыл» ейзян дярслигонядя бя тырки щесте, ым тяржумя ни, бяс чиче?

Ын гяпон чаня ростин, йо нодузин, дявоным ком ни, бы щяхядя ыштя мулащизон нывыштем пидя.


Иминжи яве ки, тарыхян Озорбойжонядя ъийя хяльон бя етник тяркиби горош се ьысмин: щям Ирони зывонядя (толышон, татон, кырдон, гилякон, лащыжон…), щям тырки зывонядя (татарон, тярякямон, айрымон…) щямян ибер-гафгази зывонядя (кырызон, будуьон, муьолон, сахурон, удинон, аварон, щапытон, лазон, рутулон, айсорон, лязгийон…) гяп ъяйдян. Явон щязо соронин ки, ыштя ядябиййати, елми, мядяниййяти, бядия сяняти ды зывонядя (фарси ийян тырки) ифодя кардян, щандян, нывыштян. Ын хяльон шифащийя ядябиййатян, нывыштяйонян бя и выряшон сохтя, чы жур бывотым: бя тыркийя ядябиййатийян, бя фарси нывыштяйонян явон щяммяй ханбозин. Гынойе ъыго воте: «Гуйа ын няьыл тыркийе, йа ын няьыл толышийе».
Дыминжи яве ки, дынйо димядя чаня хяль щесте, чявон ве няьылон, фолклори нымунон бя и йянды шедян, йа и йянды вариантин, йа вариасийян. «Куйязинги няьыли», «И выъяли няьыли» толыш гяп ъяйядя, яй ыштя няня зывонядя чап кардеядя, бявон толышя няьыл вотеядя, ын няьылон Авропядя, Асийядя быя няьылон охшяш дойядя, щич кяс ангыштя ной языни ки, ым чы толыши ни, ым тяржумяй, йа чикийе? Фолклор ъыго гыляй шейе ки, яй ща вотеядя, конжо? бя кийе? чокняй? вотеядя – жури бешедя. Мясялян, «Пялянги де кыты няьыли» ве вариантон, вариасийоныш щесте. Гыляйядя гимбыкя пялянги бя гушя дянойдян, гыляйядя ячяй даст-почя дявастедян, гыляйядя бя гив кардедян… Ки воте бязне ки, толыш ъыго вотедя, тырк ъыго бявоте? Няьыли ща кяс бяштя шяраити дия бякай, бяштя зевги, бяштя зыняй гяп бяъе. Ещаня чямя гязетон бащандон, чямя чап кардя няьылон, жо фолклоря нымунон жо вариантон, вариасийон зындябун, зящмят быкяшон, явони бынывыштон, бя редаксийя быьандон. Ым бябе сявобя ко… Реферат
Реферат
Реферат
Реферат
Реферат
Реферат
Реферат
Реферат
Реферат
Реферат
Реферат
Реферат
Реферат
Реферат
Реферат
Реферат
Реферат
Реферат
Реферат
Реферат